Transcription
1
Monsieur, je receux hyer au soyr la letre quil vous a pleu mescrire par
2
monsieur le president Bellièvre et, peu au paradvant, sur le chemin dicy à
3
Saynct-Ysmier où jestoys allé voyr mes vendenges, monsieur Ruffin
4
venant de Chambéry, me balia une letre de monsieur de Montfort,
5
la quelle jay estimé vous devoyr envoyer, ensemble ung rolle
6
contenant description par le menu des forces de larmée chrestiene,
7
Dieu veilie luy assister, car il semble que nous y allons bien
8
lentement. Ledit sieur Ruffin me dit que son altesse seroyt
9
aujourdhuy à Chambéry, dont jattendray aultre novelle
10
dudit sieur de Montfort, bien croy-je que darriver, il vouldra
11
courir à son acostumée visiter les fortz de L’Anunciade et
12
B[o]urg ; et après son retour, il porra fère quelque seiour
13
à Chambéry. Je ne scay, monsieur, si vous avés esté adverty
14
des letres obtenues par Les Diguyères et aultres de la
15
religion qui nous furent presentées par ung huyssier de
16
Provence jeudy dernier, dont jay chargé le clerc du grephe
17
metre copie dans ce depeche ; et depuys, me doubtant quil nen feroyt
18
rien, je vous envoye celle que me feut bailliée. Je me doubte
19bien que plusieurs de la religion, soubz ceste couleur, [barré : mais ] eludront
20
les jugementez et authorité de la cour. Quant aux novelles
21quon a faict [barré : coure ] courir, je nen ay rien creu et ay depuys letres
22
de monsieur de Chastelard de Bloys, du 5, qui me dit ung mot
23
et croy que vous en aurés receu depuys du 9. Je voys
24
surce prier le Createur
25
monsieur, vous doner en santé heureuse et longue vie, sa
26
grace, sans oublier de me recommander humblement à la votre. De
27
Grenoble, ce XVe de 7bre 1571
28
votre humble et obeyssant
29
serviteur
30
g deportes